Балабақшамызда тәрбиеленушілердің қауіпсіздігін қамтамасыз ету мақсатында «Өрт қауіпсіздігі» тақырыбында танымдық іс-шара өткізілді. Іс-шара барысында балаларға өрттің шығу себептері, оның қауіптілігі және төтенше жағдай кезіндегі дұрыс әрекет ету жолдары түсіндірілді.
Тәрбиешілер балаларға сіріңке мен оттықтың қауіпті екенін, электр құралдарын рұқсатсыз пайдалануға болмайтынын айтты. Сонымен қатар, 101 және 112 нөмірлеріне қоңырау шалу тәртібі таныстырылды.
Балалар белсенді қатысып, сұрақтарға жауап беріп, қауіпсіздік ережелерін қайталады.
Мақсатымыз – балалардың өмір қауіпсіздігі туралы білімдерін арттыру және төтенше жағдай кезінде дұрыс әрекет ету дағдыларын қалыптастыру.